ഓൺലൈൻ ക്‌ളാസ്സിൽ പങ്കെടുക്കുന്ന കുട്ടികൾ ശ്രെദ്ധിക്കേണ്ട കാര്യങ്ങൾ

വീട്ടില്‍ ഇന്റര്‍നെറ്റ് കണക്ടിവിറ്റി ശക്തമാണെന്ന് ഉറപ്പുവരുത്തുക. ഉപയോഗിക്കുന്ന കമ്പ്യൂട്ടര്‍, ലാപ്‌ടോപ്, ടാബ്ലെറ്റ്, സ്മാര്‍ട്‌ഫോണ്‍ നന്നായി പ്രവര്‍ത്തിക്കുന്നുണ്ടെന്ന് ഉറപ്പുവരുത്തുക. ബ്രൗസറും ആവശ്യമായ മറ്റു പ്രോഗ്രാമുകളും അപ്‌ഡേറ്റഡ് ആയിരിക്കണം. ക്ലാസുകളില്‍ പങ്കെടുക്കാന്‍ വീടിനുള്ളില്‍ സൗകര്യപ്രദമായ സ്ഥലം കണ്ടെത്തുക. പാഠഭാഗത്തിന്റെ കുറിപ്പുകളെടുക്കുക. ക്ലാസില്‍നിന്നു ശ്രദ്ധ മാറാതിരിക്കാനും പിന്നീട് റിവൈസ് ചെയ്യാനും ഇതു പ്രയോജനപ്പെടും. ഒരു ദിവസം 6 മണിക്കൂറിലധികം ഓണ്‍ലൈന്‍ ക്ലാസിലിരിക്കുന്നത് നല്ലതല്ല. തുടര്‍ച്ചയായി ഒരു മണിക്കൂറിലധികം ഒരിടത്ത് ഇരിക്കരുത്.

ആദ്യഘട്ടത്തില്‍ വിക്ടേഴ്‌സ് ചാനലില്‍ ക്ലാസുകള്‍ കാണാനുള്ള രീതിയിലാണ് പഠനം തുടങ്ങുന്നതെങ്കിലും വൈകാതെ അധ്യാപകര്‍ ഓണ്‍ലൈനായി ക്ലാസുകള്‍ എടുക്കേണ്ടി വന്നേക്കാം. ആ സാഹചര്യം കൂടി മുന്‍കൂട്ടി കണ്ട് തയ്യാറെടുക്കണം. അധ്യാപകരില്‍ പലര്‍ക്കും ഇത് പുതിയൊരു അനുഭവം ആയിരിക്കുന്നതിനാല്‍ ക്ലാസ് മുറിയില്‍ കുട്ടികളെ നേരില്‍ക്കണ്ടു പഠിപ്പിക്കുന്നതില്‍നിന്നു ഭിന്നമായ അധ്യായനരീതിയായിരിക്കും ഇത്. ഇതിനായി കാര്യമായ ഗൃഹപാഠം അധ്യാപകരും ചെയ്യേണ്ടതുണ്ട്.

സ്മാര്‍ട്ട്‌ഫോണും ടിവിയും ഇല്ലാത്ത വിദ്യാര്‍ഥികള്‍ക്കും ഓണ്‍ലൈന്‍ പഠനം ഉറപ്പാക്കാനുള്ള ശ്രമത്തിലാണ് വിദ്യാഭ്യാസ വകുപ്പ്. ഇന്നത്തെ ഓണ്‍ലൈന്‍ ക്ലാസുകളില്‍ പങ്കെടുക്കാത്ത വിദ്യാര്‍ഥികളുടെ കണക്കെടുത്ത് സൗകര്യം ഒരുക്കും. കുടുംബശ്രീയുടെ സഹകരണത്തോടെയാണ് അങ്കണവാടികളിലും സ്‌കൂളുകളിലും ഇത്തരം സൗകര്യം ഒരുക്കുക. ടിവിയും സ്മാര്‍ട്ട്‌ഫോണും ഇല്ലാത്ത രണ്ട് ലക്ഷം വിദ്യാര്‍ഥികളെങ്കിലും സംസ്ഥാനത്തുണ്ടെന്നാണ് കണക്കുകള്‍ വ്യക്തമാക്കുന്നത്. ഇന്നത്തെ ക്ലാസുകള്‍ കഴിയുന്നതോടെ ഏതൊക്കെ കുട്ടികള്‍ക്കാണ് സംവിധാനങ്ങള്‍ ഇല്ലാത്തതെന്ന കൃത്യമായ കണക്കെടുക്കും.

Leave a Comment