ശരീരഭാരം വര്‍ദ്ധിപ്പിക്കാന്‍ ചില നല്ല മാര്‍ഗങ്ങള്‍. ഇത് ഒന്ന് അറിഞ്ഞിരിക്കൂ..

സ്‌ത്രീകളായാലും പുരുഷന്മാരായാലും ശരീരഭാരം വര്‍ദ്ധിപ്പിക്കാന്‍ ശ്രമിക്കാത്തവര്‍ കുറവാണ്. വിവാഹ പ്രായമാകുമ്പോള്‍ മെലിഞ്ഞിരിക്കുന്നു എന്ന തോന്നല്‍ പെണ്‍കുട്ടികള്‍ക്ക് തോന്നാറുണ്ട്. ചെറുപ്പം മുതല്‍ മെലിഞ്ഞ ശരീരപ്രകൃതിയുള്ള യുവാക്കള്‍ ശരീരഭാരം വര്‍ദ്ധിപ്പിക്കാനായി ഹെല്‍ത്ത് ക്ലബ്ബിലും മറ്റും കയറിയിറങ്ങുന്നത് പതിവ് കാഴ്‌ചയായി തീരുന്നിരിക്കുന്നു.

ആന്റി ഓക്‍സിഡന്റുകളും ടാനിനുകളും ധാരാളമായി അടങ്ങിയിരിക്കുന്ന വൈന്‍ ഭക്ഷണത്തിന് മുമ്പ് കുടിക്കുന്നത് വിശപ്പ് വര്‍ദ്ധിപ്പിക്കാന്‍ സഹായിക്കും. ശരീരഭാരം കൂട്ടി ആരോഗ്യം വര്‍ദ്ധിപ്പിക്കാനും വൈന്‍ സഹായിക്കും. ഇഞ്ചി നീര് കലര്‍ത്തിയ പാനിയങ്ങളും വിശപ്പുണ്ടാക്കും.

ചിട്ടയായ ഭക്ഷണ രീതിയും ജീവിതക്രമവുമുണ്ടെങ്കില്‍ ശരീരഭാരം വര്‍ദ്ധിപ്പിക്കാന്‍ സ്‌ത്രീക്കും പുരുഷനും സാധിക്കും. അമിതമായി ഭക്ഷണം കഴിച്ചതുകൊണ്ട് ഭംഗിയുള്ളതും ആരോഗ്യമുള്ളതുമായ ശരീരം ഉണ്ടാകണമെന്നില്ല. ആഹാരം കഴിക്കുന്നതും ഉറങ്ങുന്നതും ശരീര ഭാരത്തിന്റെ വ്യതിയാനത്തിന് കാരണമാകും.

വ്യായാമത്തിന് ശേഷം ഭക്ഷണം കഴിക്കുന്നത് പോഷകങ്ങള്‍ ഉള്ളിലെത്തുന്നതിന് സഹായകമാണ്. ശരീരം ഉയര്‍ന്ന തോതില്‍ പ്രവര്‍ത്തിക്കുമ്പോള്‍ രക്തപ്രവാഹം വേഗത്തിലാവുകയും ശരീരത്തിന്റെ പ്രവര്‍ത്തനങ്ങള്‍ താളത്തിലാകുന്നതിനും കഴിക്കുന്ന ആഹാരം ആരോഗ്യം തരുന്നതിനും സഹായിക്കും. കാര്‍ഡിയോ വാസ്‌കുലാര്‍ വ്യായാമങ്ങള്‍ ആരോഗ്യവും ശരീരവലുപ്പവും സമ്മാനിക്കും.

കലോറി അടങ്ങാത്ത വെള്ളം അമിതമായി കുടിക്കുന്നത് ശരീരഭാരം വര്‍ദ്ധിപ്പിക്കാന്‍ സഹായിക്കില്ല. എന്നാല്‍, ദാഹത്തിനും ശരീരത്തിനും ആവശ്യമായ അളവില്‍ വെള്ളം കുടിക്കേണ്ടതും അത്യാവശ്യമാണ്.

ശരീരഭാരം വര്‍ദ്ധിപ്പിക്കാന്‍ സഹായിക്കുന്ന മറ്റൊന്നാണ് പ്രോട്ടീന്‍. ശരീരത്തിന്റെ ശക്തിയും കരുത്തും പ്രോട്ടീനാണ്. പ്രോട്ടിന്‍ ഇല്ലെങ്കില്‍ ശരീരഭാരം വര്‍ദ്ധിപ്പിക്കാന്‍ സാധ്യമാകില്ല. മാംസം കഴിക്കുന്നത് പ്രോട്ടീന്‍ എളുപ്പത്തിന്‍ ലഭ്യമാക്കാനുള്ള മാര്‍ഗമാണെങ്കിലും അമിതമാകരുത്.