പ്രധാനമന്ത്രി ഇന്ന്​ രാ​ത്രി എട്ടു മണിക്ക്​ രാജ്യത്തെ അഭിസംബോധന ചെയ്യും​

പ്രധാനമന്ത്രി നരേന്ദ്ര മോദി ഇന്ന്​ രാ​ത്രി എട്ടു മണിക്ക്​ രാജ്യത്തെ അഭിസംബോധന ചെയ്യും. കോവിഡ്​ ബാധയെ തുടർന്ന്​ പ്രഖ്യാപിച്ച ലോക്​ഡൗൺ മെയ്​ 17ന്​ അവസാനിക്കുന്നതി​​െൻറ ഭാഗമായാണ്​ പ്രധാനമന്ത്രി രാജ്യത്തെ അഭിസംബോധന ചെയ്യുന്നത്​. നിർണായക പ്രഖ്യാപനങ്ങൾ ഉണ്ടായേക്കുമെന്നാണ്​ സൂചന.

കഴിഞ്ഞ ദിവസം മുഖ്യമന്ത്രിമാരുമായി കൂടിക്കാഴ്​ച നടതിയതിനു പിന്നാലെയാണ്​ പ്രധാനമന്ത്രി രാജ്യത്തെ അഭിസംബോധന ചെയ്യുന്നത്​. മുഖ്യമന്ത്രിമാരുമായി നടത്തിയ ചർച്ചയിൽ ഉരുത്തിരിഞ്ഞ തീരുമാനങ്ങളടക്കം മോദി ഇന്ന്​ പ്രഖ്യാപിച്ചേക്കും. 

ലോക്​ഡൗൺ തുടരു​െമന്നും എന്നാൽ, കൂടുതൽ ഇളവുകൾ നൽകുമെന്നും പ്രധാനമന്ത്രി കഴിഞ്ഞ ദിവസത്തെ യോഗത്തിനു പിന്നാലെ സൂചന നൽകിയിരുന്നു. ഒന്നാംഘട്ട ലോക്​ഡൗണിലെ നിയന്ത്രണങ്ങൾ രണ്ടാം ഘട്ടത്തിൽ ആവശ്യ​മില്ലെന്നും അതുപോലെ മൂന്നാംഘട്ടത്തിലെ നിയന്ത്രണങ്ങൾ നാലാം ഘട്ടത്തിൽ ആവശ്യ​മില്ലെന്നും അദ്ദേഹം ​പ്രസ്​താവിച്ചിരുന്നു.

റെഡ്​ സോണുകളിലും കോവിഡ്​19 ഗുരുതരമായി ബാധിച്ച സ്​ഥലങ്ങളിലും പൊതുഗതാഗതത്തിന്​ നിയന്ത്രണം ഏർപ്പെടുത്തുന്നതടക്കമുള്ള നടപടികൾ തുടരുമെന്നാണ്​ സൂചനകൾ. നിലവിലെ നിയമങ്ങളിൽ വരുത്തേണ്ട മാറ്റങ്ങൾ മെയ്​ 15നകം നിർദേശിക്കാൻ പ്രധാനമന്ത്രി സംസ്​ഥാനങ്ങളോട്​ നേരത്തേ ആവശ്യപ്പെട്ടിരുന്നു. 

Leave a Comment