പെട്ടന്ന് മുടിവളരാനും, നര മാറാനും ഇതാ പൊടി ഓയിൽ..മറ്റു ദോഷങ്ങളില്ലാതെ ഉപയോഗിക്കാം..

മുടിയുടെ നരയും മുടി വളരാത്തതുമെല്ലാം തന്നെ പലരേയും അലട്ടുന്ന പ്രശ്‌നങ്ങളാണ്. ചിലപ്പോള്‍ ചെറു പ്രായത്തില്‍ തന്നെ ഇത്തരം പ്രശ്‌നങ്ങള്‍ പലരേയും അലട്ടാറുമുണ്ട്. ഇന്നത്തെ കാലത്ത് ചെറുപ്രായത്തിലുള്ളവരെ വരെ ബാധിയ്ക്കുന്ന ഒരു പ്രധാന പ്രശ്‌നമാണിത്. ഇതിന് ഡൈ പോലുളള കൃത്രിമ വഴികള്‍ പരീക്ഷിയ്ക്കുന്നത് ഏറെ ദോഷങ്ങള്‍ വരുത്തുന്ന ഒന്നാണ്. താല്‍ക്കാലിക ഗുണം നല്‍കുമെങ്കിലും ക്യാന്‍സര്‍ പോലുള്ള പല ദോഷങ്ങളും വരുത്തുന്നവയാണ് തലയില്‍ പുരട്ടുന്ന ഇവ.ഇതിനുളള പരിഹാരം തികച്ചും സ്വാഭാവിക വഴികള്‍ പരീക്ഷിയ്ക്കുന്നതാണ്. ഇത്തരം ഒന്നാണ് നീലയമരി. ഇന്‍ഡിക എന്നാണ് ഇതിന്റെ ഇംഗ്ലീഷ് നാമം. കടകളില്‍ നാം സാധാരണ ഈ പൊടി കാണാറുമുണ്ട്. മുടി നര ഒഴിവാക്കാന്‍ ഇന്‍ഡിക പൗഡര്‍ അഥവാ നീലയമരി ഉപയോഗിയ്ക്കാവുന്നതാണ്.

നാട്ടിന്‍പുറങ്ങളില്‍ റോസ് നിറത്തോടു കൂടിയ പൂക്കളോടു കൂടിയ ഈ ചെടി ഇപ്പോഴും കാണാറുണ്ട്. മുടിയില്‍ തേയ്ക്കുന്ന ആയുര്‍വേദ എണ്ണയായ നീലിഭൃംഗാദി പോലുളളവയിലെ പ്രധാനപ്പെട്ടൊരു ചേരുവയാണിത്. മുടിയുടെ നര മാറാന്‍ ഇത് പ്രത്യേക രീതിയില്‍ ഉപയോഗിയ്ക്കാം. മുടി വളര്‍ച്ചയ്ക്കും ഇതേറെ നല്ലതാണ്. ഇതെങ്ങനെ ഉപയോഗിയ്ക്കാമെന്നു നോക്കൂ. ഇതിനൊപ്പം തേയിലപ്പൊടിയും ഹെന്ന പൗഡര്‍ അഥവാ മയിലാഞ്ചിപ്പൊടിയും ഉപയോഗിയ്ക്കാറുണ്ട്. ഇതു കൊണ്ട് മുടി നരയ്ക്കുള്ള പരിഹാരം എങ്ങനെ കാണാമെന്നു നോക്കൂ.

ഒരു ഗ്ലാസ് വെള്ളത്തില്‍ മൂന്നു നാല് സ്പൂണ്‍ തേയിലപ്പൊടിയിട്ടു തിളപ്പിയ്ക്കുക. ഈ വെള്ളം ഊറ്റിയെടുത്ത് തണുത്ത ശേഷം മാത്രം ഉപയോഗിയ്ക്കുക. ഈ വെള്ളത്തിലേയ്ക്ക് ഹെന്ന പൗഡര്‍ ചേര്‍ത്തിളക്കാം. ഇതിനു ശേഷം ഇത് മുടിയില്‍ തേച്ചു പിടിപ്പിയ്ക്കാം. ഒരു മണിക്കൂര്‍ കഴിഞ്ഞ് സോപ്പോ ഷാംപൂവോ ഉപയോഗിയ്ക്കാതെ ഇതു കഴുകിക്കളയുക.

പിന്നീട് ഒരു ഗ്ലാസ് വെള്ളത്തില്‍ ഇന്‍ഡിക പൗഡര്‍ കലക്കുക. ഇത് മുടിയില്‍ ശിരോചര്‍മം മുതല്‍ മുടിത്തുമ്പു വരെ തേച്ചു പിടിപ്പിയ്ക്കാം. ഇതും ഒരു മണിക്കൂര്‍ കഴിഞ്ഞു കഴുകിക്കളയാം. ഇതേ സ്റ്റെപ്പുകള്‍ ഒരു ദിവസം തന്നെ പല തവണ ചെയ്യാം. അതായത് രണ്ടു മൂന്നു തവണ ചെയ്താല്‍ മാത്രമേ ഗുണം ലഭിയ്ക്കൂവെന്നര്‍ത്ഥം. നല്ല കറുപ്പു വേണമെങ്കില്‍ മൂന്നു തവണയെങ്കിലും. അത്ര കറുപ്പു വേണ്ടെങ്കില്‍ രണ്ടു തവണ. ഇതുപയോഗിച്ച ശേഷം സോപ്പും ഷാംപൂവും ഉപയോഗിയ്ക്കാതിരിയ്ക്കുന്നതാണ് നല്ലത്.

ദിവസവും ഇത്രയും തവണ ചെയ്താലേ ഗുണം ലഭിയ്ക്കൂ. ഇതിനു സാധിയ്ക്കാത്തവര്‍ ദിവസം ഒരു തവണ വീതം അടുപ്പിച്ചു മൂന്നു ദിവസം ചെയ്യുക. അല്ലെങ്കില്‍ ഒന്നിട വിട്ട ദിവസങ്ങളില്‍ ചെയ്യുക. ഹെന്നയും ഒപ്പം ഇന്‍ഡിക പൗഡറും ഇപ്പറഞ്ഞ രീതിയില്‍ തന്നെ വേണം, ഉപയോഗിയ്ക്കുവാന്‍. രണ്ടും ഉപയോഗിയ്ക്കണം. ഇന്‍ഡിക പൗഡറിന് വയലറ്റ് നിറമാണ്. ഹെന്നയ്ക്ക് ബ്രൗണ്‍ നിറവും. ബ്രൗണിനു മീതേ വയററ് കൂടി ചേരുമ്പോഴാണ് കറുപ്പകുന്നത്. മയിലാഞ്ചിയ്ക്കു മീതേ ഇന്‍ഡിക പൗഡര്‍ എന്നു പറയാം.