നരച്ച മുടിയും താടിയും കറുപ്പിക്കാം.. തീർച്ചയായും ഉഗ്രൻ ഫലം തരും..

പ്രായമാകുന്നതോടെ നമ്മുടെ മുടിയും താടിയും നരക്കുന്നു. എന്നാല്‍ പ്രായമാകുന്നതിനു മുന്‍പ് തന്നെ ചിലരുടെ താടിയും മീശയും നരക്കുന്നു. ഇതിന് പരിഹാരമെന്നോണം പലരും താടിയും മീശയും കറുപ്പിക്കാന്‍ നെട്ടോട്ടമോടുകയാണ് ചെയ്യുന്നത്. ചിലര്‍ താടിയും മീശയും കറുപ്പിക്കാന്‍ ഡൈ ചെയ്യുന്നവര്‍ നമ്മുടെ ഇടയില്‍ തന്നെ ധാരാളമാണ്. എന്നാല്‍ താടിയും മീശയും നരക്കുമ്പോള്‍ ഡൈ ചെയ്യുമ്പോള്‍ അതുണ്ടാക്കുന്ന പ്രശ്‌നങ്ങള്‍ നിരവധിയാണ്.പലരിലും ഡൈ ചെയ്യുമ്പോള്‍ അത് പല വിധത്തിലുള്ള അലര്‍ജികളും ഉണ്ടാവുന്നു. ഇത്തരത്തിലുള്ള അലര്‍ജികള്‍ക്ക് ചികിത്സിക്കാന്‍ മാത്രമേ പിന്നെ സമയം ഉണ്ടാവുകയുള്ളൂ എന്നതാണ് സത്യം.

ചെറുപ്പത്തില്‍ തന്നെയുള്ള മുടി നരക്കുന്നതിനും താടി നരക്കുന്നതിനും നിരവധി പരിഹാരമുണ്ട്. പലപ്പോഴും ഇത്തരത്തിലുള്ള പ്രശ്‌നങ്ങള്‍ക്കെല്ലാം പരിഹാരം കാണുന്നതിന് രാസപദാര്‍ത്ഥങ്ങള്‍ അടങ്ങിയ മാര്‍ഗ്ഗങ്ങള്‍ ഉപയോഗിക്കുമ്പോള്‍ അതുണ്ടാക്കുന്ന ബുദ്ധിമുട്ടുകള്‍ ചില്ലറയല്ല. പ്രകൃതിദത്ത മാര്‍ഗ്ഗങ്ങള്‍ കൊണ്ട് തന്നെ നരച്ച ഓരോ താടി രോമത്തേയും നമുക്ക് കറുപ്പിക്കാം. അതിന് പല വിധത്തിലുള്ള മാര്‍ഗ്ഗങ്ങള്‍ ഉണ്ട്. ഇത്തരത്തിലുള്ള മാര്‍ഗ്ഗങ്ങള്‍ പലപ്പോഴും പല വിധത്തില്‍ ആരോഗ്യത്തിനും ചര്‍മ്മത്തിനും ഗുണം ചെയ്യുന്നതാണ്. ഓരോ താടിരോമത്തിനും മീശക്കും നിറവും ആരോഗ്യവും സൗന്ദര്യവും നല്‍കാന്‍ ഈ പ്രകൃതിദത്ത മാര്‍ഗ്ഗങ്ങള്‍ സഹായിക്കുന്നു.

താടിയും മീശയും നരച്ചാല്‍ വയസ്സായി എന്ന് കണക്കാക്കുന്നവരാണ് നമ്മളില്‍ പലരും. എന്നാല്‍ ചെറിയ ചില കാര്യങ്ങള്‍ കൊണ്ട് തന്നെ ഇത്തരം പ്രശ്‌നത്തിന് നമുക്ക് പരിഹാരം കാണാവുന്നതാണ്. പലപ്പോഴും മീശയും താടിയും വെള്ളയാവുന്നത് ആത്മവിശ്വാസത്തിന് പോലും കോട്ടം തട്ടിക്കുന്ന ഒന്നാണ്. വയസ്സായി എന്ന തോന്നല്‍ പലപ്പോഴും ആരോഗ്യത്തെപ്പോലും പ്രതികൂലമായി ബാധിക്കുന്നു. എന്നാല്‍ ഇനി നരച്ച ഏത് താടിയും മീശയും കറുപ്പിക്കാനും സൗന്ദര്യം നല്‍കാനും സഹായിക്കുന്ന മാര്‍ഗ്ഗങ്ങള്‍ എന്തൊക്കെയെന്ന് നോക്കാം.

ഒരു ടേബിള്‍ സ്പൂണ്‍ വെളിച്ചെണ്ണ ചൂടാക്കി അതില്‍ അല്‍പം നെല്ലിക്ക പൊടിച്ചതും മിക്‌സ് ചെയ്യുക. നെല്ലിക്ക പൊടിച്ചതും വെളിച്ചെണ്ണയും മിക്‌സ് ചെയ്ത് ഇത് താടിയിലും മീശയിലും പേസ്റ്റ് രൂപത്തിലാക്കി തേച്ച് പിടിപ്പിക്കാം. രണ്ട് മൂന്ന് മിനിട്ട് താടിയിലും മീശയിലും നല്ലതു പോലെ തേച്ച് പിടിപ്പിച്ച് അഞ്ച് മിനിട്ടോളം മസ്സാജ് ചെയ്യുക. ഇത് 15 മിനിട്ടിനു ശേഷം നല്ല ശുദ്ധമായ വെള്ളത്തില്‍ കഴുകിക്കളയാവുന്നതാണ്. ഇത് ആഴ്ചയില്‍ രണ്ട് തവണ ചെയ്യുക. ഇത്തരത്തില്‍ ചെയ്യുന്നത് താടിക്കും മീശക്കും ഡൈ ചെയ്യേണ്ടതിന്റെ ആവശ്യകതയെ കുറക്കുന്നു.

കറിവേപ്പില മുടിക്ക് മാത്രമല്ല താടിക്കും വളരെ ഉത്തമമായ ഒന്നാണ്. ഇത് താടി നരക്കുന്നതിനെ പ്രതിരോധിക്കുന്നു. ഒരു പാത്രത്തില്‍ അല്‍പം വെള്ളം എടുത്ത് അതില്‍ അല്‍പം കറിവേപ്പിലയിട്ട് നല്ലതു പോലെ തിളപ്പിക്കാം. ഇത് പകുതി വെള്ളം ആവുന്നത് വരെ തിളപ്പിക്കാം. വാങ്ങി വെച്ച് തണുത്തതിനു ശേഷം ഇത് കൊണ്ട് താടിയും മീശയും കഴുകുക. ഇത് താടിക്ക് നല്ല കറുപ്പ് നിറം നല്‍കാന്‍ സഹായിക്കുന്നു. ചെറുപ്പത്തിലേ ഉള്ള താടി നരക്കുന്ന പ്രശ്‌നത്തിന് പരിഹാരം കാണാന്‍ സഹായിക്കുന്നു.